About us

Ko wai ahau? 

Mākurakura mai ngā hihi o te kōmaru ki runga i te kōtihitihi o Ngongotahā me Maunga Haumi

Hei maiaorere hei pou whirinaki i taku rahinga o Ngāti Te Roro-o-te-rangi me Te Aitanga-a-Mahaki

Ka titiro ki raro ki te iarere o ngā wai o te Utuhina me Te Mimi-a-Paoa

Whakaarorangi tēnei ki te whenua o Rotorua me Tūranga-nui-a-Kiwa

i takahia e rātou mā ki tēnei nuku, ki tēra nuku.

Whārikihia mai te ūtanga o te waka o Te Arawa me Horouta

ko ngā tai o Maketū me Wainui e ngunguru ana

Ka tae atu taku waka ki te marae areare o Te Kuirau me Tapuhikitia

Ko ahau tēnei a Mikaere Norris e mihi atu nei

Ko wai ahau? 

E tū ana au ki te taumata o ōku maunga o Tarawera, o Tiheia, o Rangiuru e tū takotako mai rā

Ka titiro whakararo ki ōku iwi o Te Arawa, o Tapuika

i runga i te waka o Te Arawa

E rere ana i ngā wai karekare o Tarawera, o Te Wai-mimi-o-Pekehaua, o Kaituna

Ka ū te waka ki uta, ki te marae nukunuku-ātea o Te Pakira, o Tarimano, o Waitangi

Kia rongo i te reo pōhiri o Tūhourangi, o Ngāti Rangiwewehi, o Ngāti Moko

Ko Tatiana Morgan-Norris e mihi nei, e karanga nei